+375 17 209-48-04

+375 25 512-05-97

info@zapraudu.info

Жаночая сетка «Мара» падтрымлівае ідэю вылучэння жанчыны на пасаду прэзідэнта

Ініцыятыва па стварэнні жаночай сеткі дэмакратычных партый і грамадскіх арганізацый Беларусі вызначылася са сваёй назвай, а таксама з магчымасцямі свайго ўдзелу ў прэзідэнцкай выбарчай кампаніі 2015 года. 

vybory_rb2

Цяпер міжпартыйнае аб’яднанне жанчынаў будзе мець назву Жаночая сетка «Мара». Актывісткі «Мары» падтрымалі ідэю вылучэння жанчыны на пасаду прэзідэнта Рэспублікі Беларусь.

«Мы лічым, што без актыўнага ўдзелу жанчынаў у сферы прыняцця рашэнняў немагчыма дасягнуць сапраўднай дэмакратыі», — рэзюмуе «Мара».

На іх думку, з’яўленьне лідэркі ў палітычных падзеях дзяржаўнага ўзроўню — гэта ўжо выклік грамадскім стэрэатыпам. А вылучэнне жанчыны апаненткай дзейснаму кіраўніку дзяржавы здолее не проста абудзіць грамадскую актыўнасць і паспрыяць большай зацікаўленасці палітычнымі працэсамі з боку жаночага электарату, але істотна палепшыць імідж апазіцыйных сілаў.

Тым не менш, фармулючы свае крытэры да кандыдата ад дэмакратычных сілаў на выбарах-2015, удзельніцы «Мары» адзначылі, што будуць згодныя падтрымаць кандыдата незалежна ад яго полу, бо на першае месца ставяць асабістыя і прафесійныя якасці чалавека.

Актывісткі чакаюць, што іх кандыдатка ці кандыдат будзе выступаць за незалежнасць Беларусі, беларускую мову і культуру, а таксама падтрымліваць і прасоўваць ідэі гендэрнай роўнасці.

Ініцыятыва па стварэньні Жаночай сеткі ўзнікла ў кастрычніку 2014 года. На дадзены момант сярод удзельніцаў сеткі — прадстаўніцы Партыі БНФ, БСДП (Грамада), Маладых сацыял-дэмакратаў — Маладая грамада, партыі «Справядлівы свет» і Цэнтра рэгіянальнага развіцця з Гомеля.

«Новы Час»

 

3 апреля 2015

Коментарии

Добавить комментарий

Вы должны быть авторизованы для комментирования.

Войти с помощью: 
 
А также…