+375 17 209-48-04

info@zapraudu.info

30 актывістаў «Гавары праўду» затрымалі проста ў офісе

Там праходзіў сход рэгіянальнага актыву. Затрыманых пратрымалі ў міліцыі больш за тры гадзіны.

Як паведаміў намеснік старшыні кампаніі «Гавары праўду!» Андрэй Дзмітрыеў, у першай палове дня ў офісе праводзіліся заняткі для сяброў кампаніі з рэгіёнаў.

Аднак правядзенню мерапрыемства перашкодзіла міліцыя, якая, са слоў Дзмітрыева, спачатку заблакавала дзверы офіса, не даючы нікому магчымасці выйсці. Пасля гэтага удзельнікаў аргмерапрыемства пасадзілі ў аўтазакі і павезлі ў РУУС Кастрычніцкага раёна Менска, паведаміў намеснік старшыні кампаніі.

Паводле яго слоў, на момант з’яўлення ў офісе міліцыі там знаходзілася блізу 30 чалавек. Затрыманых пратрымалі ў міліцыі больш за тры гадзіны.

Таксама, паводле слоў Дзмітрыева, міліцыяй былі канфіскаваныя друкаваныя матэрыялы, звязаныя з «Народным рэферэндумам».

«У цэлым тое, што адбывалася, выглядала як спроба запалохаць актывістаў. Да нас як раз прыехала шмат новых людзей з рэгіёнаў. Аднак, я думаю, што гэтага уладам зрабіць не ўдалося, а атрымалася хутчэй наадварот — добры трэнінг па пабудове каманды. Усе выйшлі з міліцыі ў нармальным настроі, абмеркавалі, што будзем рабіць далей», — адзначыў намеснік старшыні» Гавары праўду».

Крынiца: «Наша нiва»

24 августа 2013

Коментарии

  • Сёмка Гавр26 августа 2013 #

    Дожили… Сначала — собрались больше 5 человек на площади — готовят митинг, а теперь и в офисе забирают, а скоро будет запрещено в туалете без камер сидеть и спать вдвоем в одной кровати будет считаться подготовкой заговора.

Добавить комментарий

Вы должны быть авторизованы для комментирования.

 
А также…
Поход к избирателям. Олег Квятинский, кандидат в депутаты Витебского горсовета