+375 17 209-48-04

info@zapraudu.info

Берасьцейская “Zмена” збірае подпісы пад адкрытым лістом Генпракурору

10 траўня берасьцейскія актывісты маладзёвага крыла “Гавары праўду” распачалі збор подпісаў пад «Адкрытым лістом» на імя Генеральнага пракурора Аляксандра Канюка з патрабаваннем спынення палітычна матываванага ціску на сябраў кампаніі.

Такім чынам, берасьцейская “Zмена” далучылася да агульнарэспубліканскай акцыі салідарнасці з Паўлам Вінаградавым і іншымі актывістамі “Гавары праўду”, на якіх аказваецца ціск з боку ўладных органаў за палітычнўю і грамадзкую дзейнасць.

Нагадаем, што з пачатку года лідара маладзёвага крыла «Гавары праўду» —Zмена” Вінаградава ужо чатыры разы прыцягвалі да адміністратыўнай адказнасці. Ён правёў больш трыццаці сутак за кратамі ў мінскім Цэнтры ізаляцыі правапарушальнікаў. З 25 красавіка над ім усталяваны прэвентыўны нагляд з боку праваахоўных органаў.

Таксама, па сфальсіфікаваным фактам ужо другі раз запар да адміністратыўнай адказнасці прыцягваецца актывіст Ігар Сімбіроў, а літаральна тры дні таму былі асуджаныя на 10 сутак зняволення намеснік старшыні кампаніі Андрэй Дзмітрыеў і актывіст Міхась Пашкевіч.

– Тэндэнцыя запалохвання актывістаў “Гавары праўду” за сваю грамадзянскую пазіцыю апошні час набірае ўсё большыя абароты. І зараз вельмі важна, каб грамадзкасць даведалася аб тых пачварных метадах, якія ўжываюцца да нашых калег з боку ўлад. Прычым, не толькі ў самім Менску, але і ў рэгіёнах. З сённяшняга дня мы далучаемся да агульнарэспубліканскай акцыі салідарнасці, пад час якой плянуем не толькі сабраць максімальна магчымую колькасць подпісаў жыхароў Берасьця пад Адкрытым лістом, але і інфармаваць грамадзтва абласнога цэнтру ў больш крэатыўных формах уласцівых моладзі “Zмены”, – пракаментаваў дадзенае пачынанне адзін з яго ініцыятараў, актывіст  Берасьцейскай філіі “Zмены” Аляксей Коўтун.

Аляксандр Ахмач, zapraudu.info

10 мая 2012

Коментарии

  • Василий10 мая 2012 #

    Не марнуйце мае грошы, як грамадзяніна і налогаплацельшчыка.

  • Dasha12 мая 2012 #

    Что за бред. Змена всегда отличалась креативными акциями. А это вновь партийная бредятина. Интересно, Виноградов сам, знает об этой акции?

Добавить комментарий

Вы должны быть авторизованы для комментирования.

 
А также…
Поход к избирателям. Олег Квятинский, кандидат в депутаты Витебского горсовета