+375 29 853-40-17

info@zapraudu.info

Фядута, Рымашэўскі, Дзмітрыеў ад сёння выязныя за мяжу

Але палітычныя Мядзведзь і Барановіч застаюцца пад абмежаваннямі.

Як паведаміла праваабаронца Таццяна Равяка, у пяці чалавек, асуджаных за Плошчу-2010, скончыліся тэрміны адбыцця пакарання.

Гэта Сяргей Вазняк, Аляксандр Фядута, Андрэй Дзмітрыеў, Віталь Рымашэскі і Сяргей Марцалеў. «Вяртаецца пэўная воля да людзей», — адзначае Равяка.

З Марцалева знялі абмежаванні 20 ліпеня, з астатніх — з 22. Але яшчэ два гады ва ўсіх будзе захоўвацца судзімасць.

Прысуды накладалі пэўныя абмежаванні: даводзілася адзначацца ў міліцыі, нельга было без дазволу мяняць месца жыхарства, быў забаронены выезд за мяжу.

Разам з тым, звяртае ўвагу Равяка, застаюцца два «палітычныя», пра якіх фактычна забылі. Гэта Дзмітрый Мядзведзь і Святаслаў Барановіч. Яны асуджаныя на тры гады абмежавання волі без накіравання ў спецустановы і знаходзяцца пад нашмат больш жорсткімі абмежаваннямі.

«Наша ніва» 

22 июля 2013

Коментарии

Добавить комментарий

Вы должны быть авторизованы для комментирования.

 
А также…
Мы открыли горячую «антитунеядскую» линию помощи гражданам