+375 29 853-40-17

info@zapraudu.info

«Гэта зойме пяць хвілін». Як выратуюць дзяцей, калі загарыцца садок або школа

Пасля трагедыі ў Кемераве каардынатар «Гавары праўду» па Гродненскай вобласці Дзмітрый Бандарчук пайшоў у садок, які наведвае яго трохгадовая дачка, і папрасіў загадчыцу паказаць, як у іх працуе пажарная бяспека. Малады тата заклікае гродзенцаў зрабіць тое самае ў месцах, дзе знаходзяцца іх блізкія.

Варта паглядзець на ўласныя вочы

Малады тата Дзмітрый вырашыў, што важней, чым казаць або пісаць гучныя словы, паклапаціцца пра блізкіх, праверыць месцы, дзе яны жывуць, якія наведваюць: дом, прадпрыемства, школа, садок. На яго думку, варта проста паглядзець на ўласныя вочы, як адчыняюцца дзверы запасных выхадаў, ці ўсталяваныя датчыкі пажарнай бяспекі. Дзмітрый Бандарчук мяркуе, што варта скарыстацца гэтай сумнай сітуацыяй, каб яна больш не паўтаралася.

«Калі такое здараецца, кожны прапускае гэта праз сябе, задумваеца пра такія рэчы, пра якія штодня мы не думаем. Пачаліся флэшмобы падтрымкі, памяці: напрыклад, кіроўцы будуць сігналіць. Салідарнасць — гэта добра. Але важная салідарнасцьць, якая накіравана на канстуктыўнасць і эфектыўнае дзеянне. Гэта зойме пяць хвілін», — кажа Дзмітрый Бандарчук.

«Каб супакоіць сваё сэрца»

Мужчына падыйшоў да загадчыцы садка, які наведвае яго дачка, і сказаў, што засмучаны трагедыяй у Кемераве і хацеў бы паглядзець, як працуе сістэма пажарнай бяспекі. Ён падкрэсліў, што не мае дачынення да службы МНС і мае такую патрэбу, каб супакоіць сваё сэрца.

«Загадчыца дапамагла мне быць больш спакойным»

Кіраўнічка садка, па яго словах, адрэагавала на просьбу спакойна і адкрыта ўсё паказала і расказала:

«Мне адразу паказалі, што сігналізацыя стаціць, датчыкі працуюць, як адчыняюцца запасныя выхады. Расказалі, калі праходзяць вучэнні, то працуюць некалькі пажарных выхадаў. Ёсць дзяжурствы супрацоўнікаў МНС. Загадчыца дапамагла мне быць больш спакойным», — тлумачыць гродзенец.+

Дзмітрый заклікае гродзенцаў зрабіць тое самае, каб такія трагедыі больш не паўтараліся.

Hrodna.life

29 марта 2018

Коментарии

Добавить комментарий

Вы должны быть авторизованы для комментирования.

 
А также…
«Апазіцыя павінна прадстаўляць грамадства!» Андрэй Дзмітрыеў абмяркоўвае пасланне Аляксандра Лукашэнкі