Пад час «Чарнобыльскага шляху» актывісты «Гавары праўду» частавалі мінчукоў цукеркамі (фота)

Пляцоўка каля Акадэміі навук задоўга да прызначанага часу збору была ачэпленая металічнымі турнікетамі і байцамі міліцыі спецыяльнага прызначэння ў чорнай уніформе.

Усіх жадаючых паўдзельнічаць у шэсці прасілі прайсці кантроль праз ручныя металашукальнікі і паказаць асабістыя рэчы.

Ігар Драко прарваўся праз кардон міліцыянтаў

Праз некаторы час на пляцоўцы сабралося некалькі соцень людзей, у тым ліку і каля пяцідзесяці актывістаў грамадзянскай кампаніі «Гавары праўду».

Таксама маладзёны грамадскай кампаніі зладзілі невялічкую акцыю: яны прапанавалі ўсім прысутным частавацца цукеркамі і згушчаным малаком з Рагачова. На сваю рызыку і адказ. Частавала гэтымі «прысмакамі» Святлана Вінаградава, жонка Паўла Вінаградава, які сёння быў асуджаны на 5 сутак адміністратыўнага арышту па палітычных матывах.