+375 29 853-40-17

info@zapraudu.info

Паўла Вінаградава арыштавалі на 25 сутак

Актывіста моладзевага крыла «Zмена» кампаніі «Гавары праўду» Паўла Вінаградава прызналі вінаватым у непадпарадкаваньні міліцыі і нецэнзурнай лаянцы. Паводле абодвух абвінавачваньняў ён атрымаў па 15 сутак. Часткова склаўшы два гэтыя пакараньні, агульны тэрмін скарацілі да 25 сутак.

Супраць Вінаградава сьведчылі супрацоўнікі міліцыі Ўладзімер Данчанка і Алег Кратасевіч. Іхныя паказаньні супярэчылі адно адному.

Вінаградаў прасіў судзьдзю Тацяну Матыль зрабіць запыт у міліцыю Маскоўскага раёну Менску — паказаць на працэсе здымкі камэраў назіраньня, каб спраўдзіць, ці сапраўды ён парушаў закон.

Матыль сказала, што зробіць такі запыт.

Пасьля перапынку судзьдзя паведаміла, што менавіта ў той дзень камэры назіраньня не працавалі, таму што быў рамонт.

На самым пачатку разгляду справы Вінаградаў заявіў пра адвод судзьдзі.

Матываваў ён сваю заяву тым, што Матыль яго ня раз судзіла, і ейныя выракі не былі справядлівыя.

Раней Матыль арыштавала на 15 сутак Аляксандра Арцыбашава.

Вінаградаў заявіў: яго і Арцыбашава хочуць «закрыць» напярэдадні выбараў у мясцовыя саветы (23 сакавіка) і Дня Волі (25 сакавіка).

Увечары 13 сакавіка Аляксандар Арцыбашаў прыехаў на машыне да пастарунку, каб забраць адтуль Паўла Вінаградава, які прыходзіў адзначацца. Але калі Вінаградаў выходзіў з пастарунку, яго затрымалі міліцыянты.

Потым ДАІ затрымала й Арцыбашава. Ноч яны правялі ў турме на Акрэсьціна.

Крыніца: Радыё Свабода

14 марта 2014

Коментарии

Добавить комментарий

Вы должны быть авторизованы для комментирования.

 
А также…
«Апазіцыя павінна прадстаўляць грамадства!» Андрэй Дзмітрыеў абмяркоўвае пасланне Аляксандра Лукашэнкі