+375 29 853-40-17

info@zapraudu.info

Рэчыца. Грамадзкае абмеркаваньне ператварылася ў камэрнае

Каля двух дзясяткаў прадпрымальнікаў ня трапілі ў Рэчыцкі райвыканкам на грамадзкае слуханьне наконт «Рэканструкцыі будынку склада пад будынак розьнічнага гандлю на вуліцы Маладзёжнай, 7В/5».

B291C2C5-3521-45E3-BD57-BADABC2B9047_w640_r1_s

«Мяне ўключылі ў склад камісіі, якая праводзіць гэтае так званае грамадзкае слуханьне, але і я ня змог трапіць у залю — не пускала міліцыя», — паведаміў лідэр рэчыцкіх прадпрымальнікаў Алег Шабетнік.

Паводле суразмоўцы, прадпрымальнікі ў выніку такой рэканструкцыі страцяць 50–70 працоўных месцаў. Гэта й непакоіць дробных бізнэсоўцаў. На месцы склада замежнае таварыства з абмежаванай адказнасьцю «Карона» зьбіраецца ўзводзіць мясны павільён. Ранейшы спэцыялізаваны павільён на рынку ў Рэчыцы закрылі, пазбавіўшы вяскоўцаў магчымасьці рэалізоўваць мясную прадукцыю са сваіх падворкаў, а гараджанаў — набываць сьвежае мяса.

Прадпрымальнікі меліся распавесьці пра лепшы, на іх погляд, варыянт рэканструкцыі, але іх не схацелі слухаць.

З райвыканкаму грамада рушыла ў пракуратуру.

Дзяжурны прадстаўнік пракуратуры параіў наведнікам напісаць калектыўны ліст, па якім будзе праведзены разбор, чаму грамадзкае слуханьне пра рэканструкцыю вялося без удзелу грамадзкасьці.

«Радые Свабода»

 

13 марта 2015

Коментарии

Добавить комментарий

Вы должны быть авторизованы для комментирования.

 
А также…
«Апазіцыя павінна прадстаўляць грамадства!» Андрэй Дзмітрыеў абмяркоўвае пасланне Аляксандра Лукашэнкі