+375 29 853-40-17

info@zapraudu.info

Стан медыцыны абмяркуюць у Рэчыцы і Оршы

23 і 25 кастрычніка ў Оршы і Рэчыцы адбудуцца заключныя грамадскія слуханні ў межах кампаніі “Народны рэферэндум”, прысвечаныя праблемам і магчымым рэформам у медыцыне.

Тэматыка абмеркаванняў — паводле першага пытання з парадку дня «Народнага рэферэндуму”.

Нагадаем, яно гучыць такім чынам: “Ці згодныя вы, што ў дзяржаўных установах адукацыі і аховы здароўя ўсе паслугі грамадзянам Беларусі павінны аказвацца бясплатна?”

Удзел у грамадскіх слуханнях возьмуць лідары “Народнага рэферэндуму”, эксперты, практыкуючыя лекары і іхнія пацыенты.

У Оршы слуханні адбудуцца 23 кастрычніка, у чацвер, а 17.30 па адрасе: вул. Чырвонаармейская, 13. А ў Рэчыцы – 25 кастрычніка, у суботу, а 16-й гадзіне на вул. Чапаева, 56/2.

Раней у кастрычніку і верасні грамадскія слуханні па медыцыне, а ў жніўні па пытаннях адукацыі адбыліся ў шэрагу гарадоў: Гомель, Полацк, Гродна, Магілёў. Віцебск, Баранавічы, Маладзечна, Мінск…

“Прафесійная і даступная медыцына, адукацыя – гэта элементарнае права на годнае цяперашняе і будучае для нас і (галоўнае!) для нашых дзяцей! Дзяржава не мае права рабіць бізнэс на нашым здароўі і абмяжоўваць нашы магчымасці», — лічаць ініцыятары

У маладзечанскіх слуханнях прысутнічала каля 40 чалавек, распавядае адзiн з удзельнiкаў: “Адбылася зацікаўленая дыскусія, на якую прыйшлі жыхары Маладзечна і мясцовыя медработнікі. Вялікія нараканні выклікала праца паліклінік, дэфіцыт спецыялістаў вузкай спецыялізацыі, недахоп эфектыўных лекаў, нізкая аплата працы дактароў і медсясцёр”.

Доктар з 20-гадовым стажам Зміцер Салошкін выступіў з асноўным дакладам. Ён параўнаў розныя сіcтэмы арганізацыі аховы здароўя ў еўрапейскіх краінах. Беларуская медыцына апошнім часам значна мадэрнізавалася, у клініках Мiнска і абласных цэнтрах з’явілася выдатнае абсталяванне — у кардыялагічных аддзяленнях, уралагічных, неўралогіях, траўматалогіях і інш., адзначыў лекар.

Нельга сказаць і таго, што беларускія урачы моцна адстаюць ад заходніх калегаў па сваім прафесіяналізме. Але арганізацыя дзейнасці установаў медыцыны практычна засталася савецкай, мала маем прыватных клінік, асабліва ў малых гарадах.

Неабходныя рэформы, паступовы пераход да страхавой або змешанай арганізацыі аховы здароўя, зазначыў  кiраўнiк Руха «За свабоду». Пасля правядзення грамадскіх слуханняў будуць складзеныя прапановы па рэформе ў сферы аховы здароўя, якія ініцыятары “Народнага рэферэндуму” накіруюць у профільнае міністэрства.

Нядаўна быў перададзены ў адпаведнае ведамства спіс прапановаў па рэформе адукацыі пасля слуханняў па гэтай праблематыцы.

«Народны рэферэндум»

22 октября 2014

Коментарии

Добавить комментарий

Вы должны быть авторизованы для комментирования.

 
А также…
«Апазіцыя павінна прадстаўляць грамадства!» Андрэй Дзмітрыеў абмяркоўвае пасланне Аляксандра Лукашэнкі