+375 29 853-40-17

info@zapraudu.info

У адной з акругаў Мінска зладзяць сапраўдны байкот

Прадстаўнікі Руху «За Свабоду», Партыі БНФ, грамадзянскай кампаніі «Гавары праўду» і яе моладзёвага крыла «Zмена» сёння прынялі рашэнне аб стварэнні працоўнай группы па правядзенні такой кампаніі.

У межах актыўнага байкоту ў асобнай мінскай акрузе плануецца арганізаваць пастаяннае назіранне на ўсіх участках цягам шасці дзён. Для гэтага спатрэбіцца дзяжурства ў некалькі зменаў ад 210 да 280 назіральнікаў на 35 участках. Будзе зладжаны распаўсюд улётак у дзве хвалі на прыблізна 20 тысяч кватэр (спатрэбіцца каля 100 валанцёраў). У планах — таксама пікетаванне, сустрэчы з выбарцамі выданне спецыяльных накладаў газет, рассылка лістоў сябрам камісіі пра недапушчальнасць парушэння заканадаўства.

Актыўны байкот мае быць арганізаваны ў акрузе, дзе няма дэмакратычнага кандыдата і ў складзе акруговай камісіі ёсць дасведчаны прадстаўнік апазіцыі.

«На жаль, некаторыя калегі з апазіцыі да гэтага часу ўпэўнены, што бла-бла-бла ў інтэрнэце замяняе рэальную працу з выбаршчыкамі. Я жыву ў адным з самых густанаселеных раёнаў Мінска, у чатырохпад’ездным дзевяціпавярховым доме з чатырма кватэрамі на пляцоўцы. Толькі ў адной кватэры (маёй!) ведаюць пра байкот. Мы лічым, што адзіная магчымасць вымераць рэальную эфектыўнасць тэхналогіі байкоту – гэта сканструяваць градуснік. На жаль, я яшчэ раз пераканаўся, што калегі з БХД і АГП свядома зводзяць размову ад канкрэтыкі ў імітацыю», – адзначыў прадстаўнік грамадзянскай кампаніі «Гавары праўду» Аляксандр Фядута.

Паводле намесніка старшыні Руху «За Свабоду» Юрася Губарэвіча, нельга вымяраць поспех фактычнымі праваламі: колькасцю забароненых пікетаў, незарэгістраваных кандыдатаў ці не патрапіўшых у тэлеэфір выступаў.

«Значная частка грамадства расчараваная як ва ўладзе, так і ў апазіцыі. Будзе самападманам запісваць у свой актыў пасіўныя паводзіны выбаршчыкаў, якія адмаўляюцца прымаць свядомы ўдзел у палітычным жыцці краіны. Нашай перамогай будзе іх усвядомлены выбар альбо ў форме падтрымкі апазіцыйных кандыдатаў у акругах, дзе яны ёсць, альбо ў форме няўдзелу ў выбарах як дэманстрацыі недаверу дзейснай уладзе. Крытэры эфектыўнасці вызначаюцца толькі рэальнай працай з выбарцамі, якую можна вымераць колькасцю данесеных улётак, асабістых кантактаў, колькасцю назіральнікаў, якія адсочваюць выбарчы працэс», – адзначыў Юрась Губарэвіч.

У сённяшнім паседжанні, на якім абмяркоўвалася адзіная тактыка дэмсілаў у выбарчай кампаніі ў Палату прадстаўнікоў, узялі ўдзел прадстаўнікі шасці арганізацый – Руху «За Свабоду», Партыі БНФ, грамадзянскай кампаніі «Гавары праўду» і яе маладзёвага крыла «Zмены», АГП і БХД. Першыя чатыры дамовіліся аб стварэнні працоўнай групы па арганізацыі актыўнага байкоту у асобнай акрузе Мінска.

Крыніца: сайт Руха «За свабоду!»

28 августа 2012

Коментарии

Добавить комментарий

Вы должны быть авторизованы для комментирования.

 
А также…
«Апазіцыя павінна прадстаўляць грамадства!» Андрэй Дзмітрыеў абмяркоўвае пасланне Аляксандра Лукашэнкі