+375 29 853-40-17

info@zapraudu.info

У Менску забаранілі прыватных Дзядоў Маразоў

Рэжысэрка тэатру «Залюстроўе» Кацярына Гавура расказала Свабодзе, што прыватныя тэатральныя калектывы ў Менску (у тым ліку тыя, якія іграюць навагоднія спэктаклі для дзяцей у школах і дзіцячых садках) апынуліся пад неафіцынай забаронай.

«У Менску ёсьць дастаткова шмат прыватных тэатральных калектываў, якія працуюць ва адукацыйных установах — школах, дзіцячых садках — і паказваюць там спэктаклі. Усё гэта працавала з 1970-х гадоў, і ўсіх усё задавальняла. Лептась камітэт адукацыі сказаў, што трэба заключаць дамовы, каб мы аплочвалі арэнду памяшканьня і камунальныя выдаткі. Усё было добра, мы працавалі, заключалі дамовы з кожным упраўленьнем адукацыі. Але зь нядаўняга часу прыватныя калектывы фактычна апынуліся пад забаронай», — кажа рэжысэрка.

Паводле слоў Кацярыны, спэктаклі прыватных калектываў заўсёды мелі вялікую папулярнасьць сярод дзяцей і іх бацькоў — квіткі каштавалі вельмі танна, а ў спэктаклях прымалі ўдзел прафэсіяналы. «Шмат у якіх калектывах працуюць прафэсійныя акторы. У сваіх тэатрах яны атрымліваюць 200 рублёў і ня могуць за гэта пражыць, таму многія маладыя хлопцы ідуць на такія падпрацоўкі ў прыватныя тэатры», — тлумачыць яна.

Усе прыватныя тэатральныя калектывы аформлена афіцыйна — або як індывідуальныя прадпрымальнікі, або ў якасьці прыватных унітарных прадпрыемстваў.

«Але камітэт адукацыі вырашыў, што прыватныя тэатры ў дзіцячыя садкі пускаць нельга. Пры гэтым ніякіх пісьмовых указаньняў на гэты конт няма — гэта вуснае распараджэньне старшыні камітэту адукацыі Міхаіла Мірончыка. Мы накіроўвалі адпаведныя звароты — нам адказвалі адпіскамі (маўляў, кожная ўстанова сама вырашае, прымаць вас ці не). Але на ўсіх сходах кажуць, запрашаць прыватныя тэатры нельга. Цяпер надыходзіць Новы год, а працаваць немагчыма — Дзяды Маразы могуць быць або зь ліку выхавальнікаў, або зь ліку бацькоў. Нават у нас ёсьць выпадкі, калі падпісаны дакумэнт (дамова з упраўленьнем адукацыі. — РС), які дазваляе нам праводзіць спэктаклі, але загадчыца неафіцыйна кажа, што ім забаронена нас пускаць», — распавядае Кацярына.

Паводле яе словаў прыватных тэатральных калектываў у Менску каля стоні, у кожным каля 10 артыстаў.

Намесьніца начальніка ў выхаваўчай і ідэалягічнай рабоце камітэту адукацыі Менгарвыканкаму Надзея Вялікая пацьвердзіла Свабодзе, што выступы прыватных тэатральных калектываў у дзіцячых садках сапраўды забароненыя:

«Дзіцячыя садкі працуюць паводле праграмы, створанай на падставе Кодэксу аб адукацыі. У адпаведнасьці з праграмай, толькі самі ўстановы маюць права праводзіць навагоднія ды іншыя мерапрыемствы забаўляльнага характару. А прыватныя тэатральныя калектывы ня маюць права іх весьці, таму што яны ня маюць права арганізоўваць дадатковую адукацыю ў дзіцячых садках».

Надзея Вялікая патлумачыла, што калі сам садок ня ў стане арганізаваць, скажам, навагодняе сьвята, яму на дапамогу могуць прыйсьці:

«У нас ёсьць упраўленьне адукацыі і 12 шматпрофільных устаноў дадатковай адукацыі, дзе працуюць спэцыялісты з рэжысэрскай, акторскай і пэдагагічнай адукацыяй. І сёньня яны гатовыя паказваць спэктаклі, а таксама рабіць для дзіцячых садкоў ранішнікі. Зразумела, што ў прыватных тэатральных калектывах таксама працуюць адукаваныя і таленавітыя акторы і рэжысэры, але мы зыходзім з таго, што толькі дзяржаўныя ўстановы дадатковай адукацыі гарантуюць якасныя ранішнікі, якія будуць адпавядаць Кодэксу аб адукацыі Рэспублікі Беларусь».

«Радыё Свабода»

27 декабря 2016

Коментарии

Добавить комментарий

Вы должны быть авторизованы для комментирования.

 
А также…
Мы открыли горячую «антитунеядскую» линию помощи гражданам