Ушанаванне памяці ахвяр теракту ў сталіцы Францыі

Да амбасады Францыі, што месціцца на Плошчы Свабоды ў Мінску, беларусы нясуць кветкі.

Ушанаваць памяць журналістаў Charlie Hebdo і паліцэйскіх, якія былі забітыя падчас нападу на рэдакцыю, прыйшлі Андрэй Дзмітрыеў і Сяргей Вазняк з грамадзянcкай кампаніі «Гавары праўду».

У кнізе спачуванняў сп. Дзмітрыеў напісаў:

«Нашыя глыбокія спачуванні родным загінулых. Атака фанатыкаў-ісламістаў на супрацоўнікаў часопіса — гэта замах на еўрапейскія каштоўнасці. Францыя заўсёды была настойлівым правадыром ідэі свабоды, еднасці і гуманізму. Менавіта гэтыя каштоўнасці даюць сілы Еўропе супрацьстаяць усялякім формам нецярлівасці. Vive la France! Жыве Беларусь!»

zapraudu.info

8 января 2015