Віншаванні з Днём герояў даслалі палітвязням актывісты з Бялыніцкага раёна

З Днём герояў павіншавалі  беларускіх палітвязняў Мікалая Аўтуховіча, Алеся Бяляцкага, Эдуарда Лобава і Мікалая Статкевіча  бялыніцкія актывісты “Гавары праўду”. Яны даслалі ім віншавальныя паштоўкі,  а таксама зычылі ім і найдалей мужна пераносіць усе цяжкасці і выпрабаванні, якія выпалі на іх долю.

Таксама бялыніцкія актывісты “Гавары праўду” адзначалі, што менавіта палітвязні Мікалай Аўтуховіч, Алесь Бяляцкі, Эдуард Лобаў і Мікалай Статкевіч зараз з’яўляюцца прыкладам мужнасці і стойкасці для грамадзянскай супольнасці нашай краіны, для ўсіх нацыянальна арыентаваных грамадзян Беларусі.

Нагадаем, што 27 лістапада 1920 года першы Слуцкі полк Беларускай Народнай Рэспублікі ўступіў у бой з бальшавікамі за незалежнасць нашай краіны.

Ірына Беганкіна, zapraudu.info

28 ноября 2013